|
Ella Regiun Surselva dat ei bunamein in tozzel bibliotecas communalas. Quellas gaudan aulta stema els vitgs e surveschan en emprema lingia als indigensAs sco era als scolarsAs. La gronda part dallas bibliotecas ein individualits e disponan da pintgas resursas finanzialas. Il fevrer 2005 eis ei vegniu decidiun ensemen cullas bibliotecas dalla Surselva d'iniziar in portal d'internet communabel. Damai ch'ei setracta d'in project regiunal ha la Regiun Surselva surpriu da tgamunar quei project e da finanziar quei groject. Grazia a numerusas contribuziuns e cul sustegn dalla Regiun ei quei reussiu.
Materialmein setracta ei da possibilitar la presentaziun dallas bibliotecas egl internet, d'installar in pool da datas communabel e d'introducir la reservaziun da cudischs per ch'igl utilisader sappi s'informar davart tut las purschidas ni silmeins davart las singulas bibliotecas. Cheutras vegn la purschida regiunala engrondida ed aschia l'attractivitad dall'entira regiun.
|
