Praulas e historias cun Mats, la miur

Eis ti denter 3 e 6 onns? Has ti gust da vegnir cun tia mumma ni cun in’autra persuna d’accumpignament en biblioteca e tedlar praulas ni historias?

Mats, la miur e nus dalla biblioteca raquintein a ti ina praula ord in cudisch da nossa valischa da surpresas e quei mintga gada il secund venderdis dil meins dallas 14.30 entochen ca. allas 15.30 uras.

Nus selegrein zun fetg sin tei …….

Tgisà, forsa anflein nus mintgaton aunc enzatgei auter che mo cudischs en nossa valischa da surpresas!

Cun ils pli cars salids e sin seveser tochen gleiti.

Mats, la miur ed il team dalla biblioteca populara, Mustér.

Termins:

14 d’october, 11 da november, 9 da december 2011

13 da schaner, 10 da fevrer, 9 da mars, 13 d’avrel,11 da matg ed ils 8 da zercladur 2012